आपली पारिजात

‘पारिजात को-ऑप. क्रेडिट सोसायटी लि.’ची स्थापना १९९७ साली वाशी, नवी मुंबई येथे झाली. बँकिंग क्षेत्रात काम करणाऱ्या अनुभवी सहकाऱ्यांनी मिळून ही संस्था सुरू केली. सभासदांचे आर्थिक स्थैर्य आणि समाजाची प्रगती हा त्यामागचा उद्देश होता.

पहिल्या दिवसापासून पारदर्शक व्यवहार, शिस्तबद्ध आर्थिक नियोजन आणि विश्वासार्ह सेवा हीच आमची तत्त्वे राहिली आहेत. सर्वसामान्य नागरिकांना सुरक्षित, सोपी आणि आधुनिक बँकिंग सेवा देणे हेच आमचे ध्येय आहे. आज पारिजात ही सहकार क्षेत्रातील एक आघाडीची आणि विश्वासार्ह पतसंस्था आहे.

संस्थेचे कार्यक्षेत्र संपूर्ण महाराष्ट्र राज्य आहे. वाशी, नेरूळ, कोपरखैरणे, पनवेल, दादर, ठाणे तसेच पुण्यात धनकवडी, हडपसर, सिंहगड रोड आणि चंदननगर येथे आमच्या शाखा आहेत. नेरूळ, नवी मुंबई येथे संस्थेचे स्वतःच्या मालकीचे प्रशस्त मुख्य कार्यालय आहे.

आम्ही बचत, आवर्त आणि मुदत ठेवी तसेच महिला सक्षमीकरण ठेव योजना देतो. वैयक्तिक, व्यवसाय, गृह, सोने तारण आणि वाहन कर्जासोबत महिला व लघु उद्योगांसाठी विशेष कर्जेही देतो. ‘Parijat MBank’, ‘Parijat MPassbook’ ॲप आणि NEFT / RTGS / IMPS / UPI सारख्या डिजिटल सेवांमुळे सभासद कोणत्याही शाखेतून व्यवहार करू शकतात.